Val av utsending til GF NFHS og styremedlem ved NFHS

Vedtak:
Janne Seilen vart vald som utsending til generalforsamlinga ved AS Norsk Fjordhestsenter, med Anne-Karin Løken som vara.
Styret har framlegg på Janne Seilen som styremedlem ved AS Norsk Fjordhestsenter. Vara er Gunnar Bruland, som vart vald for to år i 2011.

Utsending til representantskapen ved Norsk Hestesenter

Vedtak:
Janne Seilen reprsenterer NFL i representantskapen ved NHS.
Vara: Anni Dreyer Fladby.

Søknad om støtte til utarbeiding av rankinglister på HorsePro

Vedtak:
Det blir i første omgang søkt om tilskot frå Hestehjelpkassa. Endeleg sum blir fastsett etter behov ved utarbeiding av søknad.

Styret informerer som ny spalte i ”Fjordhesten”
Styret ønskjer å betre kommunikasjonen med medlemmene. Eit
av tiltaka er å utvide spalta «Nytt frå styret» i medlemsbladet til ei breiare spalte under namnet «Styret informerer».

Vedtak:
Styret endrar spalta ”Nytt frå styret” til ”Styret informerer”.
I det ligg at styret også kan informere om aktuelle saker som ikkje har behov for styrebehandling.

Innkjøp av medaljar til NM/utstilling
Kostnadene med medaljar og pokalar til NM og utstillingar er vesentleg. Aktivitetsutvalet har undersøkt mulegheiter for ny leverandør og rimelegare prisar.

Vedtak:
Styret går inn for å skifte leverandør av medaljar og pokalar til NM/utstillingar for å redusere kostnadene. Leiar i aktivitetsutvalet tek snarast kontakt med leverandør med tanke på NM 2012 og andre framtidige arrangement.

Støtte til carnet for konkurranseryttarar/- kuskar ved reise til EM i Tyskland 2012

Vedtak:
Aktivitetsutvalet utarbeider klare kriterier og retningsliner for tildeling av støtte til carnet ved arrangement i utlandet. Dette blir så oversendt styret for vurdering, og må vere på plass før eventuell støtte blir tildelt.